((مثل ما تعطي غيرك..الله يعطيك))قصة واقعية

بسم الله الرحمن الرحيم

حبيت أقول لكم هالقصة الحقيقية إللي صارت معاي من فترة ماهي بطويلة,وما أعتقد أبداً أني راح أنسى هالموقف الجميل إللي مريت فيه..وحسيت بكرم الخالق تجاه عبيده...
في يوم من الأيام وما أكذب عليكم..رحت مع أهلي لأحد المراكز التجارية في منطقتنا علشان نشتري بعض الحاجات للبيت....وفي ذاك اليوم بالذات ما كان عندي إلا روبية أو روبيتين ولما وصلنا للمركزالتجاري,شفت مرأة كانت فقيرة ومحتاجة قاعدة عند باب المركز التجاري,تتسول...وما أكذب عليكم مع إنها كانت مغطية ثلاثة أرباع وجهها..حسيت وجهها منّور..كانت وايد بيضة..وصغيرة بنفس الوقت..وأستنتجت هالشي لما مدّت يدها الشاب تجاهي وهي تقول:عطيني الله يعطيج!!
وما قدرت إلا أعطيها المبلغ البسيط إللي كان بيدي مع إني كنت صج محتاجة هالجمن روبية .
لكني عطيتها وقلت في قلبي الله بيعطيني إن شاء الله في جنته.....اّمين
ومشيت عن المرأة وأنا أسمع دعواتها لي,بإن يغنيني الله ويعطيني من خيره مثل ما عطيتها من خيري.
ووالله العظيم في نفس اليوم تحقق دعواها,وشفت الفلوس تهلهل علي,وما قدرت أقول غير... سبحان الله
..........((مثل ما تعطي غيرك الله يعطيك))....
إذا مو في الدنيا...يا رب في جنتك..يا رحيم...يا كريم

منقولللللللللللللللللللللللللللللللللل